miércoles, 12 de diciembre de 2012

XOGOS PARA CELEBRAR O NADAL

Tal e como adiantabamos onte, a ANPA do CPI Camiño de Santiago ten organizada unha nova xornada de xogos populares, desta volta para a última xornada lectiva antes das vacacións de Nadal. Será o día 21 deste mes de decembro, e a cargo da Asociación Galega do Xogo Popular e Tradicional, tal e como indicamos no anterior post, con sede en Arca-O Pino. Os xogos que se van realizar son: a rá, aros, tiro á lata, pescar botellas, arrastrar a tartaruga, haberá xogos con zancos, con corda, a mariola, tres en raia, o trompo, a chave, carrilanas e lanzamento de boina.
Os encargados serán profesionais da AGXPT, entre eles o mestre Paco Veiga, veciño do noso Concello, con libros publicados sobre os xogos populares e a súa recuperación. Damos xa de antemán as grazas a el e ós seus compañeiros pola súa vontade e colaboración.

0 comentarios:

Publicar un comentario